2

തൊ​ടു​പു​ഴ: ത​പാ​ല്‍ വ​കു​പ്പി​ലെ മെ​യി​ല്‍ ആ​ന്‍​ഡ് പാ​ഴ്‌​സ​ല്‍ ഒ​പ്റ്റി​മൈ​സേ​ഷ​ന്‍ പ്രോ​ജ​ക്ടി​ന്‍റെ ഭാ​ഗ​മാ​യി കൊ​ച്ചി എ​ച്ച്ആ​ര്‍​ഒ​യി​ല്‍ പൈ​ല​റ്റ് അ​ടി​സ്ഥാ​ന​ത്തി​ല്‍ ന​ട​പ്പാ​ക്കാ​ന്‍ തീ​രു​മാ​നി​ച്ചി​രു​ന്ന എ​ട്ടു മ​ണി​ക്കൂ​ര്‍ റൊ​ട്ടേ​ഷ​ന്‍ ഷി​ഫ്റ്റ് സ​മ്പ്ര​ദാ​യം കേ​ന്ദ്ര ത​പാ​ല്‍ ഡ​യ​റ​ക്ട​റേ​റ്റ് താ​ത്കാ​ലി​ക​മാ​യി മ​ര​വി​പ്പി​ച്ചു. ജീ​വ​ന​ക്കാ​രു​ടെ ആ​ശ​ങ്ക മു​ന്‍​നി​ര്‍​ത്തി ഡീ​ന്‍ കു​ര്യാ​ക്കോ​സ് എം​പി കേ​ന്ദ്ര മ​ന്ത്രി ജ്യോ​തി​രാ​ദി​ത്യ സി​ന്ധ്യ​ക്ക് ന​ല്‍​കി​യ അ​ടി​യ​ന്ത​ര നി​വേ​ദ​ന​ത്തെ​ത്തു​ട​ര്‍​ന്നാ​ണ് അ​നു​കൂ​ല തീ​രു​മാ​നം.

രാ​ജ്യ​വ്യാ​പ​ക​മാ​യി ന​ട​പ്പാ​ക്കാ​ന്‍ ഉ​ദ്ദേ​ശി​ക്കു​ന്ന പ​രി​ഷ്‌​കാ​ര​ത്തി​ന്‍റെ ആ​ദ്യ ഘ​ട്ട പൈ​ല​റ്റ് കേ​ന്ദ്ര​ങ്ങ​ളി​ലൊ​ന്നാ​യിട്ടാണ് കൊ​ച്ചി നി​ശ്ച​യി​ച്ചി​രു​ന്ന​ത്. ഇ​ത​നു​സ​രി​ച്ച് ജീ​വ​ന​ക്കാ​ര്‍​ക്ക് മൂ​ന്ന് എ​ട്ടു മ​ണി​ക്കൂ​ര്‍ ഷി​ഫ്റ്റു​ക​ളാ​ണ് വി​ഭാ​വ​നം ചെ​യ്തി​രു​ന്ന​ത്. പ​തി​റ്റാ​ണ്ടു​ക​ളാ​യി ത​പാ​ല്‍ പ്ര​വ​ര്‍​ത്ത​ന​ങ്ങ​ള്‍ ത​ട​സ​മി​ല്ലാ​തെ മു​ന്നോ​ട്ടു കൊ​ണ്ടു​പോ​കു​ന്ന​തോ​ടൊ​പ്പം ജീ​വ​ന​ക്കാ​രു​ടെ ക്ഷേ​മ​വും ഉ​റ​പ്പാ​ക്കി​യി​രു​ന്ന നി​ല​വി​ലെ സ​മ​യ​ക്ര​മം അ​ട്ടി​മ​റി​ക്കു​ന്ന​താ​യി​രു​ന്നു പു​തി​യ നി​ര്‍​ദേ​ശം.

പു​തി​യ ഷി​ഫ്റ്റ് സ​മ്പ്ര​ദാ​യം ജീ​വ​ന​ക്കാ​ര്‍​ക്ക്, പ്ര​ത്യേ​കി​ച്ച് വ​നി​താ ജീ​വ​ന​ക്കാ​ര്‍​ക്ക് വ​ലി​യ ബു​ദ്ധി​മു​ട്ടു​ക​ള്‍ സൃ​ഷ്ടി​ക്കു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ട്ടി​രു​ന്നു. പു​ല​ര്‍​ച്ചെ ആ​റി​ന് ജോ​ലി​ക്കെ​ത്താ​നും രാ​ത്രി 10നു ​മ​ട​ങ്ങാ​നും കൊ​ച്ചി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ആ​വ​ശ്യ​ത്തി​ന് പൊ​തു​ഗ​താ​ഗ​ത സൗ​ക​ര്യ​ങ്ങ​ള്‍ ല​ഭ്യ​മ​ല്ലാ​ത്ത​ത് സു​ര​ക്ഷാ ഭീ​ഷ​ണി​യു​യ​ര്‍​ത്തു​ന്ന​താ​യി​രു​ന്നു. ഇ​ട​യ്ക്കി​ടെ​യു​ള്ള ഷി​ഫ്റ്റ് മാ​റ്റം ജീ​വ​ന​ക്കാ​രു​ടെ കു​ടും​ബ​ജീ​വി​ത​ത്തെ ബാ​ധി​ക്കു​മെ​ന്നും ഗു​രു​ത​ര​മാ​യ ആ​രോ​ഗ്യ​പ്ര​ശ്‌​ന​ങ്ങ​ള്‍​ക്ക് കാ​ര​ണ​മാ​കു​മെ​ന്നും ഫെ​ഡ​റേ​ഷ​ന്‍ ഓ​ഫ് നാ​ഷ​ണ​ല്‍ പോ​സ്റ്റ​ല്‍ ഓ​ര്‍​ഗ​നൈ​സേ​ഷ​ന്‍​സ് പ​രാ​തി​പ്പെ​ട്ടി​രു​ന്നു.

തു​ട​ര്‍​ന്ന് സം​ഘ​ട​ന​ക​ള്‍ ന​ല്‍​കി​യ നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ ഡീ​ന്‍ കു​ര്യാ​ക്കോ​സ് എം​പി വി​ഷ​യം നേ​രി​ട്ട് കേ​ന്ദ്ര​മ​ന്ത്രി​യു​ടെ ശ്ര​ദ്ധ​യി​ല്‍​പ്പെ​ടു​ത്തു​ക​യും കൃ​ത്യ​മാ​യ സാ​മൂ​ഹി​ക​തൊ​ഴി​ല്‍ ആ​ഘാ​ത പ​ഠ​ന​ങ്ങ​ള്‍ ന​ട​ത്താ​തെ​യും യൂ​ണി​യ​നു​ക​ളു​മാ​യി ച​ര്‍​ച്ച ചെ​യ്യാ​തെ​യും ന​ട​പ്പാ​ക്കു​ന്ന പ​രി​ഷ്‌​കാ​രം അ​ടി​യ​ന്ത​ര​മാ​യി നി​ര്‍​ത്തി​വ​യ്ക്ക​ണ​മെ​ന്നും ആ​വ​ശ്യ​പ്പെ​ടു​ക​യാ​യി​രു​ന്നു.

ഇ​തേ​തു​ട​ര്‍​ന്ന് ഫീ​ല്‍​ഡ് ത​ല​ങ്ങ​ളി​ല്‍​നി​ന്നു​ള്ള ആ​ക്ഷേ​പ​ങ്ങ​ള്‍ കൂ​ടി പ​രി​ശോ​ധി​ച്ച ശേ​ഷ​മാ​ണ് ത​പാ​ല്‍ വ​കു​പ്പ് അ​സി​സ്റ്റ​ന്‍റ് ഡ​യ​റ​ക്ട​ര്‍ ദേ​വേ​ന്ദ​ര്‍ കു​മാ​ര്‍ സിം​ഗ് തു​ട​ര്‍ ഉ​ത്ത​ര​വു​ണ്ടാ​കു​ന്ന​തു വ​രെ തു​ട​ര്‍​ച്ച​യാ​യ സോ​ര്‍​ട്ടിം​ഗു​മാ​യി ബ​ന്ധ​പ്പെ​ട്ട ബി​പി​ആ​ര്‍ പ​രി​ഷ്‌​കാ​ര​ങ്ങ​ള്‍ മ​ര​വി​പ്പി​ച്ചു​കൊ​ണ്ട് ഉ​ത്ത​ര​വി​റ​ക്കി​യ​ത്. ജീ​വ​ന​ക്കാ​രു​ടെ അ​വ​കാ​ശ​ങ്ങ​ള്‍ സം​ര​ക്ഷി​ക്കു​ന്ന​തി​നാ​യി എം​പി ന​ട​ത്തി​യ ശ​ക്ത​മാ​യ ഇ​ട​പെ​ട​ലി​ന് ഒ​ടു​വി​ല്‍ അ​നു​കൂ​ല ഫ​ലം ക​ണ്ട​തി​ന്‍റെ ആ​ശ്വാ​സ​ത്തി​ലാ​ണ് പോ​സ്റ്റ​ല്‍ ജീ​വ​ന​ക്കാ​ര്‍.